Navigation und Service

[Alt + 0] - Zur Startseite[Alt + 1] - Zur Suche[Alt + 2] - Zur Hauptnavigation[Alt + 3] - Zur Subnavigation[Alt + 4] - Zum Inhalt[Alt + 5] - Kontakt
Sie sind hier: 

Frohe Weihnachten mit Peter Rosegger

Mit dem Weihnachtsevangelium - von Peter Rosegger in obersteirischer Mundart niedergeschrieben - dürfen wir Ihnen als Volkskultur Steiermark ein frohes Weihnachtsfest und einen guten Start ins Peter-Rosegger-Jubiläumsjahr 2013 wünschen. 
 
 

Zan heilin Christtog

Um de Zeit hot da Kaiser Augustus a Gsetz aussagebn va wegn a ra Vulkszählung. S erstimol, daß a selchti Beschreibung is gwen; da syrischi Stottholta Cyrinus hots durchführn lossn. Do is an iader in sein Hoamatsort gonga, daß er sih hot kiner ongebn. Do is ah va da Stodt Nazareth her oana kema, is noch Judäa gonga, in die olti Stodt Bethlehem, wo eh va Zeitn da David hot glebt. Da Fremdi hot Josef ghoaßn und hot von David hergstomt. Hot ah sei Weib Maria mitghobt, und de is in da Hoffnung gwen. Und wia sih schon oft wos zuatrogt: z Bethlehem kimt ihr Stund. S ersti Büaberl is do. Sie wickelt s in d Windln, bett's in a Krippn, weil sist ninascht a Plotz is gwen. In da Gegnt sein Holta gwen, de hobn bar eahnan Schoffn nochtgwocht, und schauts, de hobn af oanmol an schneeweißn Engl dostehn sechn. Zerst hobn sie sih gschreckt vor eahm, oba da Engl hot liabli gsogt: Tuats enk nit fürchtn; ih bring enk a freudnreichi Botschaft. A großes Glück für olli Leut! Heint is in da Davidstodt da Heiland af d Welt kema, Christ is sei Nom! Geht's na schaun, s is leicht zan kena. Werds a kloans Kind findn, in Windln eingwicklt - liegt in a Krippn. Af da Stell sein nebn an Engl viel himmlaschi Geister und hobn gsunga: „Lob und Donk sei Gott in hochn Himel obn, und in Leutn auf da Welt, de guatn Willn hobn, wünschn mar in liabn Friedn!"

aus: Jontes, Günther (Hg.): Als ich Christtagsfreude holen ging. Mit Peter Rosegger durch Advent und Weihnachtszeit, Graz 2007.

 

 
Peter Roseggers Zeichnung der Weihnachtskrippe von St. Kathrein am Hauenstein. © Steiermärkische Landesbibliothek
Peter Roseggers Zeichnung der Weihnachtskrippe von St. Kathrein am Hauenstein.Peter Roseggers Zeichnung der Weihnachtskrippe von St. Kathrein am Hauenstein.
© Steiermärkische Landesbibliothek
 
  • socialbuttonssocialbuttons
    socialbuttons